Поиск авторов по алфавиту

Автор:Без автора

Соборное определение о ходе на осляти в неделю цветоносную.—1678 г. март.

В. Соборное определение о ходе на осляти в неделю цветоносную.—1678 г. март.

(Рук. спи. библ. Л! 64!, стр. 116—118).

Во имя Отца и Сына и Святаго Духа. Бога единаго, единаго существом, во Троици же Божественных лиц приснославимаго.

В лето от создания мира 7186, а от рождества Бога слова по плоти 1678 месяца марта в день.

Мы, Иоаким, божиею милостию патриарх московский и всеа россии, с преосвященными митрополиты, архиепископы с боголюбивыми епископы и преподобными архимандриты — со всем освященным собором,—

Собрани бывше в крестовую палату дому нашего патриарха, высочайшим того наставлением, иже небесная и земная всесилным своим правительствует промыслом, к тому всю

 

 

623

остроту ума нашего обратихом, что полезно есть в юдоли сей плачевней ратующейся церкви. И советовахом о нуждах церковных и о церковницех, еже бы сим благочинно по заповеди Господни жительствовати во славу имени его святаго и во созидание стада церкве Господни и во спасение си душевное, онойже, на недвижимом камени основанней и созданней сушей, тако в нас хранимей быти, какову ону от святых и боговидец апостолов сооруженну, от богодухновенных же отец украшенну чины же и различными служенми и действии прияхом. — Имущим же нам о том совещание единогласное, достойное прилежнаго взыскания дело быти судихом, да хода онаго светлаго в день цветоносия бывающаго и яждения на осляти устав церкве обрящется или поне предания того началник или время, когда и коею начася виною, увесться. И бывшу о том прежде и тогда прилежну испытанию устному и в книгах тако церковных, яко летописных досмотрению, ни малейшее того действия обретеся воспоминание, почесому домыслитися мощно есть, яко не от древних век, но мало прежде нашего жития, во время мятежное, бывшу в государстве сем смятению великому, сие действие воведеся во церковь и до ныне хранимо бывает беспрепятно. Еже убо яко во славу и честь Господа Бога и Спаса нашего Иисуса Христа, на жребяти осли во град иеросалимский на волную страсть нашего ради спасения вшедшаго, действуется, во велицей светлости украшения и псалмопесненного восклицания, приятно есть и похвально; наипаче, яко благочестивейший самодержци наши благоволят в нем показания ради народу православному образа смирения своего и благопокорения пред Христом Господъем, ибо обычай всесмиренный прияша, еже восседшу патриарху на жребя во памят въехания Господня во иеросалим, смиряти высоту свою царьскую и скипетрокраснымы рукама си усте того осляти прикасатися и тако ведуще то даже до храма соборнаго служителствовати Христу Господу. За сие убо дело есть похвално, ибо мнози толиким смирением царя земного пред Царем небесным умиляются и внутрь себе дух сокрушения стяжавше от Бога, ко глубине душеспасеннаго смирения нисходят и от сокровищ сердечных теплое ко Христу Господу изпущают воздыхание, благоговейными усты воспевающе: осанна во вышних, благословен грядый во имя Господне, царь Израилев. Но от иныя страны не весма видится быти прилично, ибо еже благочестия ради венценосцев попустися, то, яко закон неизменяемый, нача и не по достойному

 

 

624 —

держатися и зде во царьствующем и Богоспасаемом граде Москве. Ибо во время междупатриаршества инии архиереи тожде действие совершати обыкоша, и по иным градом творити то дерзают, идеже царское лице образуют, и не великия чести началницы осляти цредводителие сотворяются; его же мы честь храняще и не по уставу дело сущее и ни во едином Государстве христианских бывшее и днесь обретаемое, от нужды действия изяти хотите, суд изнесохом сицев: да то действие, яко ничтоже противное церкви и уставом святых апостол и богодухновенных отец имущее, во славу Христа Господа Нашего и за благоговеинство Благочестивейших венценосцев, точию в самом царствующем граде москве присущу скипетроносцу от самого патриарха действуемо будет, а не от инех архиерей и во время междупатриаршества, несть бо лепое едва самому патриарху соизволяемое дело, нижшима архиереем совершати.

Во градех паки инех всего Государства Великоросийскаго ни един от архиерей к тому да дерзает, осла устроив, на нем яждение деяти во памят вшествия Господа нашего во град иерусалимской, яко тамо ни царь присутствует, ни устав того творити повелевает, ни образа тому веков древних во благочестии обретаем; темже весма (идеже кроме молвы народа быти может) ход сей да упразднится, яко новоповеденный. Аще же молва негде быти чается, или благоговейнии людие за теплую любовь славы Христовы настоятельно желати того действия по новеденному обычаю, то сих благочестью, овехже неискуству и упору низхождению деюще, соизволяем, да точию ко уготованному месту архиереи со иереи и диаконы и со всем клиром по обычаю пришедше и тамо уготовану сушу образу въехания Господня, молебная пения певше и ваия освятивше и раздавше народу, вземше же образ въехания Господня рукама си несут, сами пета идуще, пению обычному от песнопевцов совершающуся.

Сице и слава Христу Богу должная воздатся и благочестиваго самодержца честь сохранится и людей благоговейных желанию угодится, и в ходе ничто ново (еже кроме вины благословныя нестерпимо во церкви) вообычаится, — сему же правилу от ныне и впред грядущая лета храниму быти уставляюще, рук наших подписанием утвержаем.


Страница сгенерирована за 0.34 секунд !
Map Яндекс цитирования Яндекс.Метрика

Правообладателям
Контактный e-mail: odinblag@gmail.com

© Гребневский храм Одинцовского благочиния Московской епархии Русской Православной Церкви. Копирование материалов сайта возможно только с нашего разрешения.