Николай Радивил Письмо к воеводам в Новгородок 26 октября 1581 г.

518 л. А се грамота в Новъгородокъ к воеводамъ от Николая Юрьевича Радивила сь Яномъ же Бенитцкимъ.

Наяснѣйшего и великого государя Стеѳана Божіею милостію (короля?) полского и великого князя литовского, руского, пруского, мазоветцкого, жемотцкого, иѳлянского, княжати семиградцкого и иныхъ от его пана рады от Миколая Юрьевича Радивила княжати на Дубинкахъ и Биржахъ, воеводы виленского, гетмана навышшего великого княжства литовского и земли иѳлянское, старосты ошминского, в городъ Новгородъ воеводе Повагорода великого князя московского. Вѣдай о томъ, ижъ посолъ папежа рымского послалъ посланца своего человѣка доброго шляхтича сына боярского на имя Яна Бенитцкого до тебѣ воеводы новогородцкого, которому я гетманъ великого княжства литовского далъ листъ свой до всѣхъ людей рыцерства войскъ его королевское милости государя нашего милостивого, абы увездѣ волно без всеѣ зачѣпки того посланца пропущали. И ты бы, вѣдаючи о томъ, потомуж бы еси

35

учинилъ, какъ поѣдетъ тотъ слуга посла папежа рымского назадъ от тебе, же бы еси ему свою грамоту далъ, штобы такжо от людей государя вашого полно был к здѣ назад пропущенъ, какъ бы ему никакая обида не сталася, а того посланца же бы еси отпустилъ ничего не задерживаньи. Писанъ в обозѣ государя нашего милостивого у Пскова року -го мѣсяца октебря въ  дня.