Поиск авторов по алфавиту

Автор:Без автора

Грамота п. Досифея Московскому патриарху Адриану, писанная в ноябре 1700 года, в которой он просит его подвигнуть государя к ходатайству перед турецким правительством о возвращении святых мест в Иерусалиме грекам, просит радушно принять и выслушать послан

24

Грамота п. Досифея Московскому патриарху Адриану, писанная в ноябре 1700 года, в которой он просит его подвигнуть государя к ходатайству перед турецким правительством о возвращении святых мест в Иерусалиме грекам, просит радушно принять и выслушать посланного им в Москву архимандрита Хрисанфа и с ясным определенным ответом немедленно возвратить его назад.

 

Досифей, милостию Божиею патриарх святаго града Иерусалима и всеа Палестины.

Блаженнейший и святейший патриарше царствующаго града великия Москвы и всеа Росии и всех северных стран кир Адриане, во Святом Дусе возлюбленный брате и сослужителю нашея мерности, твое блаженство сладце и радостне облобызаем, и молим Господа Бога, да просветит и укрепит е на всякое благое правительство ввереннаго ему стада, и да исправит стопы его на путь мирен. Несть новое или недавнейшее, еже случитися во святой христовой церкви стужением и скорбем, сего ради не подобает отчюжатися, занеже сия случаются, яко же учит блаженный Петр, но обратимся с терпением и долгоусердием и пещися спасением церкве, якоже сотвориша вси, иже от века служители Божий, и ради малых трудов обрели блаженное и вечное упование. Сего ради глаголаше блаженный Павел: течение соверших, сиречь, терпение еже по Бозе и борьбы ко противящимся, и уже отлежит мне правды венец. Ваше блаженство имеет уже девять лет, как приимает наши грамоты, из которых ведаешь добре случившаяся во святом граде

 

 

89

Иерусалиме от еретиков, коея ради вины послахом ко следом богоутвержденнаго великаго царя и к любви твоея святыни сего преподобнейшаго и словеснейшаго архимандрита, господина Хрисанфа и нашего племянника, да ваша святыня посредствует к богопрославленному самодержцу, не от нас точию, но от всея Восточныя Церкве, да попечется о освобождении и чести града, изряднаго дома Божия. Тишайший же и поклоняемый великий государь, по данному ему от Бога разуму, и мудрости, и силе, да печется о сем и святом, сиречь, да Господний Гроб и протчия честныя поклонныя места, которые побрали у православных еретики, возвратятся паки в руки православным. Сия тогда писахом и просихом, ответ дала нам тогда братцкая твоя любовь, что о сем попечется известно божественное величество, и уже и сам тишайший и Богом прославленный самодержец писал нам грамоту на утешение наше и приглаголя, что всяко попечется державное, великое и святое его непобедимое царствие, да возвратятся святые поклонные места в руки православным. Но уже и здешняя власть, сие самое мняше сотворити, яко же пишет к божественнейшей державе; однако же пришел сюда посланник, господин Емельян Игнатьевич, и вещи как текли, написахом в послании, которое послахом вашему блаженству с тем же посланником, в нем же наипаче жаловались много, что блаженство твое, будучи честнейший человек и ревнитель святыя Христовы церкве, имееши и память твою непрестанну во святом граде Иерусалиме, не порадело по достоинству его, но ниже нам писал что-либо о сем деле, и наконец мо-лихом ваше блаженство, да поне отныне сотворит подобающий подвиг и подобающее радение о Господнем Гробе, и наипаче что вашему блаженству есть долг неотринный, да попечется изрядно о прошении сем. Состраждущ страждущим, яко архиерей христоподражательный, а наипаче досточестен патриарх, и уповаем воеже бо ваше блаженство исходатайствовал и исправил искомое. Однакож смотряще мы и всесвятейший патриарх Константина града, и здешний святый и священный собор, и мудрейший от клириков и учителей, и разсуднии от здешних старцев, что аще ныне, который как имеет прийти семо вторый посол божественнаго величества, не будет подправления честных поклонных мест, останутся впредь вовсе в руки еретическая. Сего ради общим разумом и ради прилежнаго моления посылаем в другой сего святаго архимандрита к самим сим честным и поклонным стопам Богом возвеличенного великаго самодержца и всех христиан главы. Пишем же и сие писание по достоинству к вашему блаженству, и мо-

 

 

90

лим и просим е, зане к тишайшему и мужественнейшему великому государю есть наместник всех патриаршеских престолов, и носит лице повсюдныя церкве, да видит сего, нашего человека, похвал ителя же и ублажителя его, милостивым оком, и приимет его аки от Христа и о Христе посланна. Аще же и пишем к божественному величеству нуждныя, однакоже завещахом и изустно донести святыни его дела наши пространнее. Молим же ваше блаженство, да представит его пред честнейшею кротостию, кое же рещи приказанное ему. Особне же ваше честнейшее блаженство да сотворит подобающий подвиг и должное попечение, да божественнейший и державнейший великий государь попечется о освобождении Гроба Господня и протчих честных поклонных мест, яко да и здешной власти напишет и прикажет и приидущему послу, да предстанет к совершению прошения. Не токмо же к божественнейшему, великому и святому царю, заповедахом святому архимандриту донести от страны нашея — мудр сый, и смыслен, и боящийся Бога, но ко твоему блаженству заповедахом ему, да речет речь по речи вся нуждныя. Попомни, возлюбленный брате и прежелаемый, яко аще сбудется подправление честных поклонных мест от божественного величества, как имать последовати велия хвала, велия слава и всемирная по-хваления честнаго и почтеннаго имене честнаго и великаго его царствия, и блаженства твоего похвала будут во всей церкви Христовой, яко же глаголаше блаженный Павел о евангелисте Луце, и тишайший убо и богохранимый великий государь наживет имя великое; да яко же поется во всей кафолической церкви великий Константин, великий Феодосии, великий Иустиниан, тако поется и богоутвержденный и тишайший великий царь, и да глаголется великий Петр — сам царь и архиерей, страж святыя Христовы церкве и отмститель святыя церкве матере, в церкви же первородных имеет место и достоинство равноапостольско. Ваше же блаженство будет прославлятися со избранными святыми отцы и вселенскими защитники и обладатели соборныя Христовы церкве, и да приимешь венец хвалы в и день оный. Еще молим ваше блаженство, да чадо ся, присутствующий наш архимандрит, изыдет оттуду без продолжения времене, чтобы прежде пришествия сего преславнейшаго царского посла, пред успела святыня его к нам со всякою ведомостию, да имеет разсуждати царской приговор о нашем прошении, и по нем управим наши здешния дела, чтоб не быти ни единой утаемности в правлении нашем и последует нечаянно какое-нибудь пременение вещей, и да последуем заповедем божественнаго величества и да действу-

 

 

91

ем и мы, елико лепотствуют нам полезная. Уже уповаем сим быти чрез посредства вашего святейшества от боговенчаннаго, державнаго и победоноснаго великаго и святаго царя и самодержца, государя, государя Петра Алексеевича, ему же Господь Бог противовоздательство да подаст, вознося рог великаго царствия его к миру церквей его, и свободе святыя Церквей матери, и спасению и чести всех нас православных християн, — буди имя его благословенно во веки веков. Аминь.

От Константинополя 1700 года месяца октября. Досифей, милостию Божиею Патриарх святаго града Иерусалима и всея Палестины.


Страница сгенерирована за 0.37 секунд !
Map Яндекс цитирования Яндекс.Метрика

Правообладателям
Контактный e-mail: odinblag@gmail.com

© Гребневский храм Одинцовского благочиния Московской епархии Русской Православной Церкви. Копирование материалов сайта возможно только с нашего разрешения.