Поиск авторов по алфавиту

Автор:Макарий, патриарх Антиохийский (Юсеф Юханна Мелетий Макарий Заим)

Макарий, патр. Антиохийский Грамота к патриарху Никону от 12 декабря 1656 г.

«Макарий милостию Божиею патриарх святаго Божия града великия Антиохии и всего востока. Всесвятейшему, премудрейшему и словеснейшему великому святителю Никону патриарху московскому и всея великия и малыя и белыя России, яко служителю от Господа Бога, временных и вечных благ великому твоему святительству желаем. Посем аще хощет братолюбие ваше уведати о нашем пришествии и пребывании, благодарим Господа всесильнаго Бога, в Троици славимаго, и молитвами братолюбия вашего обретаемся в мунтенской земле. Посем вестно творим великому твоему святительству о митрополите Гедеоне молдовлахийскаго, слышаще, како содержите его тамо, не хощете оставити приити, и разумехом, како отъиде некий Диаманди перивучкии 2) и слуга нас ради, како мы сущи в Красный град, изрекохом словесы злые ради Стефана воеводы, и не поклонив

мачу. (Означенные подлинные греческие грамоты находятся в московской синодальной библиотеке).

2) то есть переводчик.

 

 

— 770 —

всем сердцем великому и благочестивому царю, и прелестне: нам же свидетель есть Бог, яко не глаголах таковая словеса, но он вътще слуга: сих ради вин да будет проклят и анафеме дан от Отца и Сына и Духа Святого, понеже несть он верн царю, но сопротивник и прелестник, яко мы вкупе с иерусалимским патриархом свидетельствовахом достоверное свидетельство, кая польза нам слагати; но любовь имамы, да слышаще, и иные области приходят поклонитися благочестивому царю, наипаче же ни от кого же слышася, дабы восхотел он творити некия раздоры, но всегда любовь и смирение к благочестивому царю, понеже добре весть великое ваше святительство, како обладают его три власти поганския сиречь турци, татаре, унгури. Ныне же весть ваше святительство, како улишен есмь престола моего пяти леты, и не могу проити, понеже турци и татары устрашают нас. Сего ради молю и милися дею великому твоему святительству, да поклонитися от нас великому и благочестивому царю и да ходатаиши о том митрополите, да отпустит и приити, яко аще он не приидет, мы не можемо проити. Паки вестно творим, да весть великое твое святительство, како учитель Арсение не сказа подробно вся наша писания, яже послах великому твоему святительству, понеж писах о многих вещей, ныне же слышах и разумел, яко не сказа вся, сего ради и списах послания сия словенским языком, да разумеет великое твое святительство. И аще хощеши истинствовати, да погаси перивучком царским прочести, и тогда узриши истинное, понеже слышахом путем, како архимандрит Дионисий от святые горы и священноиноцы Симеон и Иосиф не покоряются наставнику своему, но враждуют нань, творяще по все дни велико срамие (?). Того ради написах великому твоему святительству, да разлучит их от него, понеже явишася человецы зли. Дионисие же человек добрый: о сем разумел, како не сказа сия вся Арсение. понеж сдружествует с ним. Ныне архимандрит иверского монастырския горы скаже ти сия вся и умолиша мя вос-

 

 

771 —

помянути великому твоему святительству о них, да се разлучет от него, а да ся изгонет оба два от Москвы, и имать два диакона, да станет един священником вместо онех: сице ведми умоляю братолюбия вашего быти. Яко да возможет архимандрит Дионисие в мире пребывати, понеже велми человек добрый есть, искусный и достоин, и любве ради Божия и нас ради да любим будет тобою и помилован. Ино же паки да весть великое ваше святительство, яко архимандрит Иверского монастыря и вся братия имут великую радость, и молят Господа Бога в плечистую Его Матерь день и нощь святительства ради вашего, како добре створил еси, занеже послал еси архимандрита Клима в заточение, ныне же слышаше и разумение, како ходатайствует Арсение ого ради к великому твоему святительству паки призвати и извести оттуду, но да весть братолюбие ваше, яко аще изыдет оттуду, запустити и исхабити имать монастырь, того ради молимся никакож да не будут сия. Паки молимся вашему святительству, да не забудеши ходатайствующи о Теймурасе хане царь гиюзенски (грузинском) о помощи к благочестивому царю, яко велику мзду ??деть имети веры ради, якоже умолихся и любве ради нашея да не имевши сия наша моления в стужение. И паки просим великое твое святительство, ради Мелетия диакона песнопевца грека, да любим будет и помилован любве ради братолюбия нашего, якоже умолих тя: понеже ненавидим есть Арсением, понеж и его ради написах братолюбию вашему. Он же паки не всхоте сказати ти. Паки молимся вашему святительству, да смотриши суд Афанасия толмача сам своим судом, понеже не рассудиша судителие добре. О сих всех с умолением вспоминаем вашему великому святительству, яко да будеши ходатай и любве Бога ради нас не забывай. Писа из Торговищ мунтенскоя месяца декабря 12 день в лето 7165».


Страница сгенерирована за 0.31 секунд !
Map Яндекс цитирования Яндекс.Метрика

Правообладателям
Контактный e-mail: odinblag@gmail.com

© Гребневский храм Одинцовского благочиния Московской епархии Русской Православной Церкви. Копирование материалов сайта возможно только с нашего разрешения.